महिलाको बलात्कारपछि हत्या

कास्की, ८ असोज । उपचारपछि घर फर्किँदै गर्दा एक
बिरामी महिलाको बलात्कारपछि हत्या भएको छ ।
बलात्कारपछि हत्या घट्नामा संलग्न
भएको आरोपमा भरतपोखरी – ६ हुँडीकोटका २२ वर्षीय दुर्गे
भन्ने यामबहादुर विकलाई पक्राउ गरेको प्रहरीले जनाएको छ ।
यही असोज १ गते गल्फुलको (गाले) उपचारका लागि लेखनाथ
आएकी भरतपोखरी –७ जनपालेकी ३३
वर्षीया विष्णुमाया भुजेलको हत्या भएको हो । बजार झरेकै
दिनदेखि बेपत्ता उनको तीन दिनपछि गाउँकै
चिलाउनेको चौतारामुनि शव फेला परेको प्रहरीले बताएको छ ।
हत्यापछि मृतककै मोबाइल फोन र सीम प्रयोग गर्दै
आएका विकलाई प्रहरीले नियन्त्रणमा लिएर अनुसन्धान
गरिरहेको छ ।
विष्णुमायाका पति रोजगारीका लागि भारतको पुनामा छन् ।
उनको ७ वर्षको छोरी र २ वर्षको छोरा छन् ।